Dende este pasado 4 de novembro, o CEIP A Paz de Coruxo (Vigo) é Comedor Escolar Km 0, o primeiro na provincia de Pontevedra e o quinto en Galicia. A súa responsable de cociña, Libia Estévez, nada en Marín no ano 1977, foi a artífice, coa axuda do seu equipo de cociña e da dirección do centro, de acadar dita distinción.


Despois de rematar os seus estudios de COU decide matricularse na nova escola de hostelería “Carlos Oroza” en Pontevedra, fai xa 25 anos, cursando ahí 3 ciclos, o primeiro de “Servizos” o segundo de “Panadería e Pastelería” é por último o ciclo medio de “Cociña”. Para seguir formándome continuei en Santiago para obter o título de “técnico especialista en hostelería e turismo”.

Fixo as prácticas de empresa fai 23 anos no restaurante Casa Solla en Poio, Pontevedra. Pepe Solla acababa de coller as rendas do restaurante familiar e tivo a sorte de formar parte do seu ilusionante proxecto. Comezou a traballar con el na plantilla de eventos, na cal a día de hoxe, ten a responsabilidade da cociña do Pazo de Cea en Nigrán.

Pepe Solla ensinoulle a coidar o produto, a primar a calidade, a buscar a perfección e a fuxir da rutina do traballo.

Imparteu cursos de cociña durante 4 anos en varias asociacions veciñais e despois anoteuse nas listas da Xunta e do Sergas, traballo que lle permitiría compaxinar cos eventos.

Despois de estar en varias residencias da terceira idade, hospitais e algún colexio, no ano 2008 concedéronlle unha vacante no CEIP A Paz-Tintureira, en Coruxo (Vigo), bastante lonxe da súa casa. Con pouco máis de 100 comensais, fai xa 13 anos, a día de hoxe chegan a 170, o que é máis do 90% dos nenos e nenas matriculados no centro.

A confianza das familias fai que cada vez o nivel de esixencia sexa maior, e cada curso teñen a necesidade de superarse para non defraudar.

Gústalles fusionarse cos proxectos educativos do colexio que é posible grazas ó apoio da dirección do centro, e colaborar en festas e celebracións anuais: Samaín, Magosto, Carnaval (invitamos a todas as familias  a unhas xornadas de portas abertas donde poden degustar a súa famosa empanada de lacón con grelos). Celebran o Día Mundial do Pan, o Día Mundial da Alimentación, aniversarios, comen sushi con palillos e tamén algunha lambetada como “morcegos piollosos”.

Non comen pratos precociñados, alimentos procesados e fuxen dos conservantes artificiais, Reducen as frituras a unha vez á semana e incorporan todos os días un prato de verduras.

Gústalle comparar a súa cociña coa dunha avoa: "somos cociñeiros, enfermeiros, mediadores, animadores e confidentes".