Regueiro da Cova

Regueiro da Cova naceu no 2016 despois de que a súa propietaria se formase lonxe da casa. Begoña Vázquez Gago (Riós, 1986) pasou cinco anos entre o Beiramar, no Grove, o Portovello, en Allariz, no Pirineo para Pedro Subijana e o Sanmiguel, na cidade de As Burgas, aínda que no seu currículo aparecen apuntados máis de 35 locais. «Quería volver á miña zona e apostar claramente polo rural. Reivindicar que aquí tamén pódese innovar na cociña, sen esquecer a tradición, pero con toques vangardistas», explica Begoña. A día de hoxe é a única muller entre os 13 fundadores da asociación Cociña Ourense.

Instagram: @bego_vazquez_gago

A súa cociña baséase en produtos Km 0, ecolóxicos e de primeira calidade. Buscan chegar aos teus recordos a través da mesma e que goces en cada bocado da súa comarca: a comarca de Monterrei. «Creo que fago cociña rural, que en cada prato pódese comer toda esta zona. Traballo con produtores moi pequeniños pero con moitísimo valor e iso encántame», admite. «Ata hai pouco Ourense era o gran esquecido da cociña galega. Parecía que só existían o marisco e o peixe. Pero somos moito máis» afirma Begoña. «Penso que os restaurantes e os cociñeiros somos en parte un escaparate. O que facemos serve para dar a coñecer alimentos incribles».

Begoña co seu equipo de cociña

As súas carnes de tenreira son proporcionadas por Verín Biocoop, Cooperativa en ecolóxico de recuperación de razas autóctonas en perigo de extinción da provincia: a vianesa, a frieiresa, a cachena, a caldelá e a limiá, así como a rubia galega.