Sábrego

O restaurante enmárcase dentro dun complexo de enoturismo que inclúe as adegas de Casal de Armán e unha casa rural. Sábrego é tradición posta ao día e unha aposta decidida polo produto de tempada. A cociña, a cargo do chef Marco Varela, nútrese de produtos galegos de máxima calidade xunto con elementos foráneos e foxe dos pratos nos que a técnica domina ao sabor. Unha perfecta mestizaxe entre tradición e innovación.

No verán de 2004, Casal de Armán comeza a súa andadura como casa de comidas. É no 2016 cando Marco Varela inicia o proxecto de Sábrego, co cal se lle dá un xiro á oferta gastronómica que estivo vixente neses anos e tamén ao estilo de restaurante cun estilo máis contemporáneo e de modernidade. Eso si, sempre cos excelentes produtos da zona: as súas carnes, salgaduras, polbo, produtos da horta, pescados da próxima ría de Vigo… que son combinados e mimados para conseguir novos sabores e texturas.

A carta de Sábrego é moi variada e a idea é ir adaptándoa ás diferentes estacións do ano e aos produtos de cada tempada, sempre maridados cos viños da súa adega.

EQUIPO

Marco Varela. Chef.

A súa cociña sabe a produto. Isto é, o peixe sabe a mar, a leituga a horta… Nos seus fogóns foxe dos pratos nos que a técnica domina ao sabor… Auténtico, incondicional do produto de proximidade, o chef Marco Varela Froiz (Lalín, 1982) recoñece que o mellor sabor é o do recordo, o do guiso da avoa, o que non se esquece. Xunto co seu equipo, dinámico, novo, tentará que a vosa experiencia connosco sexa un goce para os sentidos.

Jorge González. Xerente.

Jorge González é o menor dos seis irmáns González Vázquez, propietarios de Sábrego Restaurante e da adega e casa de turismo rural Casal de Armán. Afable e próximo, Jorge é o encargado de sala e coordinador do equipo de eventos.