Trátase dun pequeno lugar con moito encanto e con vistas ao Val do Salnés, un deses enclaves que aparecen en tódalas guías, listados e blogs de referencia coma unha das recomendacións si visitas as Rías Baixas ou mesmo Galicia. Tradición, materia prima autóctona e boas ideas, son algúns dos ingredientes que, fusionados nas súas correspondentes cantidades, deron lugar ao que hoxe é a cociña da Quinta.

Os seus propietarios son Nacho Crespo, un madrileño namorado de Galicia, e Julio Oubiña, galego de O Grove cociñeiro autodidacta por devoción:

"Facía anos que pensabamos na posibilidade de montar un pequeno hotel. Eramos e somos consumidores de hoteis con encanto e parecíanos unha boa alternativa para dar un xiro diferente ás nosas vidas  e desta forma saír da axitada e estresante vida de Madrid.

Nacho Crespo, co-propietario Quinta de San Amaro

A idea do restaurante xurdiu un pouco máis tarde. Considerabamos que era un bo complemento para un hotel destas características e a zona onde nos atopamos. Co restaurante pretendiamos ofrecer unha alternativa gastronómica de calidade nun ambiente agradable, cun servizo eficiente e amable cunha relación calidade prezo razoable.

Despois de dar moitas voltas, demos con Meaño. Non era o pobo máis coñecido turisticamente, pero a súa localización era perfecta para estar ben comunicado. Na leira había varias casas de máis de cen anos e algúns muros caídos que podían ter máis de douscentos. Pensar en todos os detalles foi divertido. A obra foi complicada e o resultado facíanos sentirnos satisfeitos,  seguros para poder ofrecelo aos nosos clientes e amigos.

Julio Oubiña, co-propietario Quinta de San Amaro

Hoxe en día cremos que a Quinta de San Amaro cubriu as nosas expectativas. Os clientes que deciden aloxarse connosco viven a experiencia dunha Galicia rural, pero ben comunicada, entre viñedos de Albariño, pero a tan só 10 minutos das mellores praias das Rías Baixas. Doutra banda, a clientela do noso restaurante repite habitualmente e iso provócanos unha gran satisfacción. Todo isto non sería posible se non fóra pola nosa aposta persoal de dar o mellor servizo".

Foto de Alvientooo

Dende este novembro do 2021 xa forman parte da nosa rede Km 0 en Galicia formada por Restaurantes e Comedores Escolares. Noraboa!!

Contacto:

Enderezo: C/ San Amaro, 6 (saída 14 da autovía do Salnés, dirección Meaño) 

36968 Meaño – Pontevedra

Teléfono: +34 630 877 590

E-mail: info@quintadesanamaro.com

Web: www.quintadesanamaro.com

 Instagram: @quintadesanamaro