A Maceta

Aproveitando ao máximo o encanto deste restaurante situado en pleno centro histórico de Santiago de Compostela, a cociña da Maceta fusiona ingredientes, sabores e texturas de todo o mundo. Amantes da cociña de tradición, ofrecen pratos sinxelos e honestos.

Traballan con produtos de tempada procedentes de provedores locais, como os que están no mercado de Abastos, polo que son habituais os cambios puntuais nalgunhas das súas cartas.

O EQUIPO

Desde que naceu o restaurante, en xuño de 2016, o equipo da Maceta esfórzase día a día para sacar á luz a calidade, as cores e os sabores dos produtos cos que traballan.

A cociña da Maceta ten influencias internacionais con carnes, peixes, verduras e outros produtos propios de cada tempada.

Baixo a dirección de Jorge Gago, a cociña da Maceta esfórzase para ofrecer aos seus clientes unha experiencia gastronómica diferente. Antes de chegar a este sector, Jorge traballaba como forestal. Decidiu dar un cambio de rumbo á súa vida estudando cociña no Lamas de Abade de Compostela. Logo traballou na Curtidoría (tamén en Santiago), no restaurante A Estación de Cambre e por último no Manso. Aterrizou en A Maceta en xuño do 2016.

Cheesecake actualizada, vencedora do certame "De Tapas por Galicia 2022"

Entre outros recoñecementos, Jorge gañou no ano 2017, o "Premio Cociñeiro Novo", galardón organizado polo Fórum Gastronómico da Coruña e o diario La Voz de Galicia, que premia a cociñeiros emerxentes da nosa terra. Tamén gañou varios anos o Santiago(é)Tapas en varias categorías, foi vencedor da edición compostelá de "Desafío XChef" de Cervexas 1906 e mellor cociñeiro polo xurado do certame "De Tapas por Galicia" deste 2022.