O Restaurante Filigrana Relais&Châteaux é un restaurante que destaca no panorama gastronómico de Santiago de Compostela e un lugar único no que degustar a mellor gastronomía de Galicia.
![](https://blogger.googleusercontent.com/img/b/R29vZ2xl/AVvXsEgZYGbakzWJEm1eDwB5GRsExRRzTKr46Ton1lx5iIbJvTLQp9jEWTEhsKifoBgbyKfLtdBx_w1fVrTr57KKi2jYtvreti_1Bh1-RRhS_X26BwvyE-ZMR2G86ADrMxB-5QgOAXwH0Hk-DqXbheeypocovZmNbCemdWLRmj0A91L3tCaddS3iHSFbbP9xvQ/w400-h266/Slow%20Food%20Compostela%20(6).jpeg) |
Federico López, o cociñeiro, con Luísa Lorenzo, propietaria de A Quinta da Auga
|
Elevar a tradición e a súa gran materia prima é o eixo fundamental da súa filosofía. Estas bases da súa forma de entender a gastronomía, van acorde con Slow Food e tamén cos principios do Hotel A Quinta da Auga de desenvolvemento sostible e respecto ao medio ambiente. A contorna natural de Galicia e as súas costas Atlánticas están recoñecidas na gastronomía mundial pola calidade dos seus mariscos e das súas carnes, en concreto da tenreira galega.
O seu chef, Federico López Arcay, ofrece unha ampla diversidade de pratos grazas á gran xenerosidade da nosa rexión, que abre todo un universo de sabores aos amantes da boa mesa. Carnes, peixes, mariscos das nosas rías, horta, queixos, cogomelos…
![](https://blogger.googleusercontent.com/img/b/R29vZ2xl/AVvXsEjU-E5lwVmIyuLe1cYidTtdnavpJ-eWMAgX7LptBIU8iCbSYmEgeww8IOAM5biIymPnUEEHomrn58DBNGIdXWvvrJQli2qunY50tAKFPF-MR7JPVBCsF8xsMC5ItxBn34mQnfXS6H8DPGrjadJGWobNR2Pk3vcK6ovB9-YXVrxMP4G2D6d2E0OW3a_qog/w385-h400/Slow%20Food%20Compostela%20(12).jpeg)
Federico comezou estudando en Lamas de Abade. Fixo prácticas no Hotel Oca Puerta del Camino e alí déronlle o seu primeiro traballo en cociña. Logo foi para Casa Marcelo, e de alí foi a traballar a Suíza (o seu país de nacemento) donde estivo nun restaurante de chef francés (Le Béarn, de Jean Paul Goddar con 2 Estrelas Michelín) e tamén no Intercontinental Geneve. De volta a Galicia, o seu primeiro xefe de cociña no Puerta del Camino, Rafael Pérez (actualmente en La Carpintería Restaurante, en Vigo-Bouzas) chamoulle para traballar no Pazo dos Escudos en Vigo, donde empezou de cociñeiro. Logo ascendérono a segundo e por último a xefe de cociña. Dos Escudos foi para A Quinta Da Auga, onde está desde o ano de apertura, o 2009.
"Gustáme o produto humilde pero de calidade. Na casa de meus pais hai "vida" como dicían antes. Criaron durante anos vacas de carne, rubias, porco celta (cruzado con pietrain), galiñas e ovos caseiros, mel, horta...co cal aprecio moito o valor do produto procedente de pequenos produtores. Tamén me gusta moitísimo todo o que ven do mar e en outono gozo buscando setas" di Federico.
![](https://blogger.googleusercontent.com/img/b/R29vZ2xl/AVvXsEhVbCfALNhiVi0L3TMmgx6iflgJRuRCD80lL3_X8L8FdikyHmz9PMWZohkLRLEUZlpyGuAx_SslYhwfPSMzTavGyf9FipUtq4H8VRgh55l1b-biQHRy4aLkvwph76fFSV2-vOp8kEz6b3dNb2nuPC3W5NlQcRlLqEog-Us96kdgNyeNp6AdvQqZj17vjg/w400-h266/Slow%20Food%20Compostela%20(8).jpeg)
A Quinta da Auga é un proxecto familiar e persoal. Arquitecta de profesión, María Luisa García Gil namorouse dun edificio abandonado polo potencial que viu nel. Ela foi a encargada de levar a cabo o proxecto que é hoxe o hotel e representa a alma do establecemento. Xunto a ela, día a día e desde os inicios, a súa filla Luisa Lorenzo acompáñaa nesta aventura. Unha historia de dúas mulleres valentes que comezaron fai agora oito anos cando decidiron deixalo todo e apostar por crear “
un hotel deses máxicos: cálido, elegante e no que os viaxeiros non fosen clientes, senón hóspedes”.
![](https://blogger.googleusercontent.com/img/b/R29vZ2xl/AVvXsEiwYIq7qPWoYMXFYk40rihHyLyz70hS3osZKyghdpITjvXEx0U8Jj994GL8AsCGX82TBLNrQrv6DrK7C4sC6V8pBFumlCit-3AQRrLR5KlCOj-9pmQOnX04aXhCL91ppBr60VrFvtYZzR4va07I75z2aP_NQfiUQQClK0UVFg4St7ai30mNUlidb0yT2w/w290-h400/Slow%20Food%20Compostela%20(3).jpeg) |
Luísa Lorenzo, propietaria de A Quinta da Auga, coa distinción Km 0 de Slow Food |
Contacto:
Paseo da Amaia, 23B, 15706 Santiago de Compostela, A Coruña
☏ + 34 981 53 46 36 | ✉ reservas@aquintadaauga.com
Web: www.aquintadaauga.com/es/restaurante-filigrana
Horario: tódolos días de 14.00 - 16.00 | 20.30 – 23.00
@restaurantefiligrana
👉 Reservas 👈
👉 Carta 👈
0 Comentarios
slowcompostela@gmail.com