Erva - Oca Vila de Allariz

O Hotel Oca Vila de Allariz dispón do fantástico restaurante Erva dentro as súas instalacións, con Gerson Iglesias aos mandos dos fogóns: «O zume que circula por Erva está composto de sustentabilidade e respecto por toda a xente que está detrás do restaurante. Está composto polas nosas raíces, unhas raíces que profundan nesta terra, tentando colaborar na súa economía e ecoloxía. Cremos na nosa terra e querémola coidar, para conseguir cada día un mundo mellor. É no que traballamos».

Gerson Iglesias leva uns anos afondando na cociña plantbased, investigando e formándose, e como consecuencia desto a cociña vexetal ten moita presenza, aínda que non é excluínte, e que a eleva ao máis alto co seu menú degustación "erva" onde amosa diferentes técnicas de fermentacións, cociñado, sabores e produtos en 7 pases. "A cociña vexetal ten que ir collendo máis pulo co paso do tempo, coido que é imprescindible para unha dieta equilibrada, sana e coidar do noso planeta, do noso fogar e normalizala nos restaurantes e sobre todo nas crianzas" di Gerson.

Na carta atoparemos novas propostas do espazo gastronómico, tanto para os clientes do hotel Oca Vila de Allariz como para quen acode só ás súas instalacións a beiras do Arnoia para comer ou cear. Na oferta do restaurante atoparás pratos cunha clara esencia alaricana cunha selección dos mellores produtos mimados polo equipo de cociña e sala de Erva. Destacan, como últimas novidades, os pokebowls, hummus de pementos asados; o salteado de shiitake de Trives; as albóndegas vexetais ao viño tinto con arroz; ou as pinsas, como a vexetal da horta de María ou a de xamónde boi e queixo de O Rexo, tamén se pode optar polas súas pizarras de queixos galegos, xamón de Boi de Allariz, arroces ou o estufado ao xeito de Milucha, que Gerson Iglesias fai seguindo a receita da súa avoa.