Restaurante El Oviedo

Gústalles comer e beber, coidan a cociña tradicional, buscando novas propostas que parten do bocado e chegan ao prato.

Están orgullosos das súas orixes e non perden a oportunidade de modificar as texturas e as presentacións para ofrecer pratos atractivos e especiais para os seus clientes. No seu pequeno local tentan sorprender e ilusionar, catro mesas para gozar tranquilamente da súa oferta culinaria e unha carta variada dos viños, vermouts e licores que mais lles gustan.

Traballan con produtores locais que lles ofrecen materias primas de tempada e primeira calidade. Entenden o "Residuo 0" como unha obrigación ética e de sustentabilidade.

Ao fronte da súa cociña está Mar Orosa. Despois de traballar como axudante de cociña nun par de restaurantes do pobo, decide formarse na profesión e cursa estudos de gastronomía e restauración na veciña Tapia de Casariego.

A continuación traballa un ano como xefa de cociña no sector de colectividades, unha residencia de maiores con 150 prazas. Namórase dunha cociña con encanto como é a do Oviedo, e por tanto, aquí quédase. Confía no movemento e o coñecemento como evolución. Traballa co rigor dos clásicos, pero mantén o espírito glotón do que ambiciona sabores novos. O que lle importa como cociñeira é a suculencia, e como profesional a felicidade dos que á súa mesa sentan.