Aquí tedes a receita número 3: "Lacón de porco celta con tirabeques eco". Deixámosvos os pasos a seguir e os ingredientes precisos para a súa elaboración.


INGREDIENTES (para 200 comensais):

✅ 35 quilos de lacón fresco de porco celta.

✅ 12 quilos de tirabeques eco.

✅ 3 quilos de cenorias.

✅ 4 quilos de cabazas.

✅ 6 cabezas de allo.

✅ Sal ao gusto.

✅ Pementa negra.

✅ 2 dcl de AOVE.

✅ 1 culler de achiote ecolóxico en po.


PROCEDEMENTO:

Salpimentamos o lacón e colocámolo nunha bandexa de forno, coas cabezas de allo enteiras, as cenorias e a cabaza peladas e cortadas en anacos grandes. Asamos a 160 grados durante 3 horas.

Retiramos as verduras e colocamos unha tixola xunto co jugo do asado e o achiote. Cociñamos 20 minutos e trituramos. Pasamos por un coador e reservamos.

Limpamos os tirabeques e salteamos cun pouco de AOVE. Sazonamos.

Servimos o lacón cortado, salseado e guarnecemos co tirabeque.