Aquí tedes a receita número 7: "Maruca ao forno con guarnición de patacas e salteado de cogomelos con cenorias". Deixámosvos os pasos a seguir e os ingredientes precisos para a súa elaboración.


INGREDIENTES (para 110 racións):

Tempo de elaboración: 45 minutos

Maquinaria e útiles: varios coitelos, puntilla, rondón, gastronorms e táboa de corte.

✅10 quilos de patacas.

✅ 22 quilos de pescado.

✅ 3 quilos de cogomelos.

✅ 3 quilos de cenorias.

✅ 5 dentes de allo.

✅ 100 ml de AOVE.

✅ Sal ao gusto.


PROCEDEMENTO:

En primeiro lugar, pelamos e cortamos as patacas en dados para despois cocelas no forno durante 35 minutos a 100º graos cun pouquiño de sal e AOVE. 


De seguido, limpamos e cortamos a maruca en pezas duns 80 gramos cada unha, colocámolas nos gastronorms, sazonamos e ao forno durante 5 minutos ao vapor.


Por outra banda, cortamos en franxas as cenorias e os cogomelos e, cun pouco de sal e AOVE, salteámolas durante 15 minutos.


Para rematar, emplatamos facendo unha base de patacas coas verduras e o peixe por riba.