Aquí tedes a receita número 10: "Bolos de vento doces de garavanzos". Deixámosvos os pasos a seguir e os ingredientes precisos para a súa elaboración.

INGREDIENTES (120 usuarios de 3 a 12 anos):

✅ 2.400 gramos de garavanzos

✅ 2.400 ml de leite

✅ 600 gramos de fariña de millo

✅ 720 gramos de mantequilla

✅ 36 gramos de levadura química

✅ 120 gramos de azucre

✅ Ralladura de limón e laranxa

✅ Canela en polvo

✅ 2.400 ml de AOVE

** Estas cantidades dan para uns 3 bolos de vento por neno/a. Todos os ingredientes pódense adaptar a diferentes intolerancias ou alerxias. Os legumes poden ser xa precociñados mirando a calidade do produto evitando aditivos. Evitaremos o azucre branco. Empregamos panela ou azucre de caña eco.


PROCEDEMENTO:

Cocemos e escorremos os legumes e reservamos. Nunha cazola, quentamos o leite coa manteiga e o azucre. Repartimos o azucre, a metade para a receita e a outra metade para o rebozado con canela.

Cando o leite empece a ferver, apagamos o lume e engadimos os garavanzos que tiñamos preparados. Trituramos todo xunto ata conseguir unha masa sen grumos. Coámola e reservamos.

Poñemos a masa ao lume suave e imos engadindo a fariña lentamente ao mesmo tempo que se remove. A masa irase despegando dos bordos do cazo ata quedar como unha pelota.

Retiramos do lume e deixamos arrefriar un pouco. A continuación, imos engadindo os ovos dun en un e integrándoos ben, non engadimos o seguinte ata que o anterior estea ben integrado.

Cando todos estean ben integrados, engadimos a ralladura da laranxa e do limón. Nun cazo quentamos o aceite. Facemos pequenos bolos de vento con axuda de dúas culleres ou escudillándolos cunha manga pasteleira.

Fritimos a lume medio ata que estean dourados. Escorrémolos e rebozámolos nunha mestura de canela e azucre.