Alejandro Iglesias Vázquez, mais coñecido como Alex Iglesias, naceu detrás dunha barra dun bar familiar. A hostalería sempre formou parte da súa vida e é algo do que se sinte moi orgulloso.


Con 16 anos, traballou durante un verán na limpeza da cociña do restaurante Cabanas, en Lalín, como castigo polas súas malas notas. Foi alí onde descubriu que aquilo era o que realmente lle apaixoaba. Por iso decidiu iniciar a súa formación no ciclo medio de cociña no CEIP Compostela, onde máis adiante tamén cursou o ciclo de panadaría.

Ao rematar, antes de regresar ao restaurante familiar, pasou cinco meses no restaurante Martín Berasategui, afianzando o seu gusto por ese estilo de cociña. Coa ilusión que levaba dentro, continuou a súa formación con nove meses en Mugaritz e outros nove no Celler de Can Roca. Deste xeito, puxo fin ao seu periplo formativo e regresou ao negocio familiar, onde se encargou de dirixir a cociña durante os seguintes doce anos.

Actualmente, atópase nun momento especialmente significativo da súa traxectoria: tras desvincularse do restaurante familiar, está centrado nun proxecto de restauración novo e íntimo. Ao mesmo tempo, ofrece un servizo de cátering e asesoramento para locais de hostalaría.